Noticia publicada en La Nueva España en miércoles 7 d’ochobre de 2020
La empresa quier recibir “cuanto antes” el respaldu de la SEPI para romper la falta d’enfotu que sufre per parte de los mercaos
M. C. 07.10.2020 | 01:05
“Tenemos tol mundu conjuntamente que sacar alantre Duro Felguera, que ye un activu y los activos nun tendría de perder se nunca”. Ana González, alcaldesa de Xixón, fixo esta reflexón en visitando ayeri Felguera Calderería Pesada (El Tallerón) xuntu al senador asturianu Francisco Blanco. L’Alcaldesa espresó’l so compromisu de “defender énte’l gobiernu autonómicu y el central la importancia de Duro y la necesidá d’implicanos tol mundu na defensa de Duro y en sacar alantre a Durou consiguiendo que vuelva al mercáu n’igualdá de condiciones qu’otres empreses y eso esixe un sociu industrial potente y por eso tamos engarrando por que la SEPI entre en Durou y pueda reponer la sienda de la que venía Duro”.
La llombarada política a Duro Felguera per parte de la máxima autoridá municipal llega nun momentu nel futuru de la empresa, que traviesa por una delicada situación, pasa pola entrada na so accionariado de la SEPI. Duro espera qu’esta sociedá estatal inyecte 100 millones na so capital, 30 d’ellos para faese col 40 per cientu del so accionariado, calteniéndose nel mesmu trés años, y los 70 restantes como un creitu participativu.
La presidenta de Duro, Rosa Aza, amosó’l so enfotu na llegada d’esi sofitu estatal, del que dixo que “queremos que sía cuanto antes, porque cuanto antes, la empresa puede empezar a desapegar”. El problema qu’abasna Duro Felguera dende va años, esplicó la so presidenta, ye la perda d’enfotu de los mercaos, lo que de la mesma-y fai bien difícil llograr contratos. “Para poder romper con esa falta d’enfotu precisamos un sociu industrial y quien meyor enfotu apurre a los mercaos ye l’Estáu”, indicó.
Al respective de el so sofitu claru al pidimientu d’auxiliu de la empresa, l’Alcaldesa indicó que “cola pandemia aprendimos que nun podemos prescindir de la industria, tolo contrario, falamos inclusive de que tenemos que reindustrializarnos”. “El primer elementu para reindustrializarnos ye caltener lo que tenemos”, señaló Ana González, en destacando la solvencia tecnolóxico y técnico, referente de faer y de conocencia y forma de trabayu” d’una empresa centenaria como ye Duro Felguera.
Duro da empléu directu a casi 1.200 persones, que s’alcen a 3.800 si cunta l’empléu indirectu y l’inducíu. Col sofitu solicitáu la empresa espera doblar esa cifra en trés años. Aza defende que sía la SEPI y non capital quitáu’l qu’agora entre en Duro. “La SEPI tien más apegu al territoriu y puede escoyer a qué inversores-y vendería nel futuru la so participación, puede curiar aspeutos como qu’esta empresa non se deslocalice”, señaló la presidenta de la empresa asturiana.
Tres la visita a les instalaciones del Tallerón, na que l’Alcaldesa y el senador fueron empuestos por Aza y pol conseyeru delegáu de Duro Felguera, José María Orihuela, dambos dirixentes políticos, que tamién tuvieron acompañaos pol conceyal Santos Tejón, visitaron la see central de Duro Felguera nel Parque Científico y Tecnolóxico de Xixón.