Xixón, 13 ago (EFE).-
L’alcaldesa de Xixón, Ana González, espresó güei el so enfotu en que’l próximu branu nun se produzan arramaos d’agües residuales a la badea de San Llorienzo, como’l qu’ayeri, miércoles, obligó a prohibir el bañu nuna zona de la sablera. En declaraciones formulaes mientres la inauguración del Salón del Automóvil, González atribuyó los arramaos intermitentes a les intenses agües, que “obligaron a soltar agua” al ríu Piles.
Según afirmó, esti tipu de situaciones van resolvese cuando entre en funcionamientu’l Pozu de Nubes que se constrúi nel Parque de los Hermanos Castro, na marxe derecha del ríu Piles.
L’alcaldesa recordó que dende’l Conceyu ordenóse a los propietarios d’instalaciones industriales o ganaderes de la zona que les adecuen a la normativa medioambiental pa evitar arramaos.
La sablera de San Llorienzo foi reabierta na so totalidá esta mañana en siendo prohibíu’l bañu ayeri pela tarde ente la escalera 12 y la desaguada del Piles al detectase un llurdiu.