- Noticia publicada n’El Comerciu’l xueves 15 d’ochobre de 2020
Más de 397 millones de persones lleeron noticies sobro la última edición de la Selmana Negra, lo que supunxo un impactu publicitariu como’l de gastar 5,18 millones n’anuncios. Esi ye’l balance de la consultora Kantar Media y l’alcaldesa Ana González envalora qu’agora «los grupos políticos de la derecha, a quien nun-yos gusta la cultura y menos la cultura popular, que’l so oxetivu ye precisamente nun ser elitista nin escluyente, tienen difícil esplicar por qué intenten poner toles torgues a la Selmana Negra, torgues que nun ponen a otres coses». Convidólos, ello ye que a «demostrar lo qu’a cencielles dicen: que la Selmana Negra nun apurre».
Laura Tuero, voceru de Podemos-Equo, cree que la esperiencia «demuestra que nel futuru hemos de caltener los formatos dixitales en paralelu a los presenciales porque s’amplíen audiencies». Ciudadanos reconoz l’esfuerzu ímprobo» de la organización, pero ve l’auditoría «tan imprecisa como optimista», según la conceyala Ana Isabel Menéndez. Nel PP, Alberto López-Asenjo llomó de «vividor» y «desgualdráu» al director del festival. Eladio de la Concha, de Vox, dulda de l’auditoría: «Si fuera verdá, ¿qué necesidá tendría la Selmana Negra de subvenciones municipales, si con esa audiencia y repercusión podría autofinanciarse?».