Saltar al contenido
Portada » Últimas Noticias » Les III Xornaes de la Vía Carlomagno entamen el prósimu sábadu día 8 de Febrero en Xixón

Les III Xornaes de la Vía Carlomagno entamen el prósimu sábadu día 8 de Febrero en Xixón

Xixón va acoyer esta selmana les III Xornaes de la Vía Carlomagno, que celebren el so reconocimientu por parte del Conseyu d’Europa como Itinerariu Cultural Europeu del qu’Asturies forma parte. La Vía Carlomagno forma una rede que reconoz los valores culturales y sociales comunes de la Unión y recuerda la figura del emperador como ‘padre d’Europa’. Entamaes polos eurodiputados del Parlamentu Europeu, Jonás Fernández y Domènec Ruiz, quieren poner en valor los llazos que venceyaron al Reino d’Asturies cola corte imperial d’Aquisgrán como signu de la temprana vocación europea de los reinos hispániscos.

Les xornaes empecipien esta fin de selmana con actividaes divulgatives nel mercáu artesanal y ecolóxicu de Xixón, onde va haber dellos paneles informativos sobre la Vía Carlomagno, la historia de las embaxaes d’Alfonso II y l’emperador, amás de talleres pa los más pequeños y un ‘photocall’ cola efixe pintada de dambos dos monarques

De magar el llunes, la esposición sobre Carlomagno y el rei asturianu va treslladase al CIFP d’Hostelería y Turismu de Xixón, onde va poder visitase tola semana.

El xueves, na Casa’l Pueblu va proyectase’l documental ‘Carlomagno, el padre d’Europa’ a les 19.00 hores con entrada llibre hasta enllenar el aforo. Darréu la proyección va haber un alderique empobináu por Pedro Alberto Marcos, secretariu de Relaciones cola Sociedá AMSG y Fernando Méndez-Navia, miembru del comité executivo del Conseyu Asturianu del Movimientu Européu.

El vienres, día 14, Ana González, alcaldesa de Xixón, va abrir xunto al eurodiputáu asturianu Jonás Ferrnández la xornada sobre la Vía Carlomagno en el CIFP de Hostelería y Turismu de Xixón y van dar pasu a la charra d’Enrique Barón, espresidente del Parlamentu Européu sobre ‘Perspectives de la UE énte la Conferencia del Futuru y la participación de la ciudadanía’

Los profesores de la Universidá d’Uviéu y Sevilla, Isabel Ruiz de la Peña y Emilio González-Ferrín, respectivamente,  van analizar  distintes perspectives  históriques  sobre  la  trescendencia  del  reináu de Carlomagno y l’afitamientu de les primeres relaciones diplomátiques ente les futures naciones de la Unión Europea.

Una mesa de debate cola participación de Noël Orsat, director de la Vía Carlomagno; Miguel Ángel Martín Ramos, presidente de la Rede de Cooperación de les Rutas del Emperador Carlos V, y Laureano García, presidente de l’agrupación d’asociaciones del Camín de Santiago del Norte, va analizar les oportunidaes de los Itinerarios Culturales Europeos p’Asturies.

La Conseyera de Cultura, Berta Piñán, acompañada de Francisco Aldecoa, presidente del Conseyu Federal Español del Movimientu Européu, y l’eurodiputado Domènec Ruiz van ser los encargaos de pesllar esta tercer edición de les Xornaes Vía Carlomagno n’Asturies, que van celebrase per primer vegada en Xixón y esparden la so duración hasta una selmana.

X