Los estabecimientos hosteleros de Xixón que cunten con llicencia para instalar, modificar o ampliar terraces van poder introducir meyores por aciu mampares o deflectores de vientu, sombrielles, allumáu y calefactores mientres el periodu entendíu ente esti mes d’avientu y mayu de 2021. Asina lo determina una Resolvimientu d’Alcaldía que’l so oxetu ye desaniciar los efectos de les midíes restrictives adoptaes pa evitar l’espardimientu del coronavirus COVID-19, pa facilitar asina’l so disfute pola ciudadanía afaciéndoles a les situaciones climátiques adverses y llindar los daños económicos xeneraos al sector hosteleru poles mesmes.
L’aplicación de la midida, que se va caltener siempres y cuando sía compatible coles restricciones sanitaries en función de la evolución de la pandemia, va riquir de la presentación d’una declaración responsable per parte de los establecimientos, y esclúi la instalación de mecanos, estructures llixeres, pérgolas, cubiertes y elementos similares, según el zarramientu esterior de les terraces.