XIXÓN, 17 (EUROPA PRESS)
El que fora nel puestu númberu 12 de la candidatura del PSOE a les elecciones locales del CONCEYU DE XIXÓN, Manuel Ángel Vallina Rodríguez, aceptó asumir el cargu de conceyal en sustitución del conceyal Alberto Ferrao.
Asina lo confirmó a Europa Press el secretariu xeneral de l’Agrupación Socialista de Xixón, Iván Fernández Ardura. Quepe recordar que Ferrao dimitió esti pasáu llunes por motivos personales.
Vallina va asumir primeramente les mesmes responsabilidaes que Ferrao nel Conceyu, Educación y Cultura. La dimisión de Ferrao va faese efectiva nel Plenu Municipal del próximu día 24, pero Vallina entá va tener qu’esperar pa tomar posesión del cargu a la sesión plenaria d’abril, d’alcuerdu a los tiempos que marca la Xunta Electoral Central.
Tocantes a la so trayectoria, Vallina (Uviéu, 1978) ye técnicu en Prevención de Riesgos Llaborales y ta afiliáu al PSOE dende 2004. Nunca ocupó nengún cargu orgánicu dientro del partíu y dende l’empiezu d’esti mandatu ye conseyeru de Emulsa en representación del Grupu Municipal Socialista.