MADRID, 25 Oct. (EUROPA PRESS).
El presidente del Gobiernu, Pedro Sánchez, anunció l’aplicación d’un nuevu estáu d’alarma énte la segunda fola de Covid-19 que va entrar a valir a partir d’esta tarde a nivel nacional.
La nueva declaración del estáu d’alarma céntrase fundamentalmente nuna llimitación de movilidá nocherniega de calter xeneral, al pie de la posibilidá de cerrar la entrada y salida de territorios.
Les principales novedaes son les siguientes:
- Les comunidaes autónomes son les autoridaes delegaes d’executar el so cumplimientu.
- Tres los primeres 15 díes de vixencia, el Gobiernu va llevar al Congresu de los Diputaos la prórroga de la vixencia del estáu d’alarma pa los próximos seis meses, hasta’l 9 de mayu.
- El Gobiernu establez un toque de queda nocherniegu que llinda la movilidá de persones, sacantes razones xustificaes, dende les 23.00 hores hasta los seis de la madrugada d’ámbitu nacional.
- Esta prohibición de movilidá n’horariu nocherniegu ye d’aplicación en tol país, salvo nel casu de Canaries que la so evolución epidemiolóxica ye bien positiva.
- Les comunidaes autónomes pueden modular l’aplicación d’esti toque de queda, adelantrando a les 22.00 hores o retrasándalo hasta los dolce de la nueche. Tamién pueden modificar por que remate a los cinco o los siete de la madrugada.
- Los gobiernos autonómicos tán facultaos col estáu d’alarma a aplicar un zarru d’entrada y salida de too el so territoriu o parte d’él, con esceiciones xustificaes pa ciudadanos que tengan de movese por motivos sanitarios, educativos, llaborales o curiaos de familiares, ente otros.
- Los gobiernos rexonales pueden llindar xuntes sociales que superen les seis persones, sacantes sían convivientes.
- L’órganu de cogobernanza ente’l Gobiernu y les CCAA ye’l Conseyu Interterritorial del Sistema Nacional de Salú.
- El ministru de Sanidá va rindir cuentes de la so evolución cada 15 díes.
- El Conseyu Interterritorial puede amenorgar o ampliar midíes en función de la evolución de la pandemia.
- L’Executivu del Gobiernu ye baxar d’una incidencia acumulada per debaxo de los 25 casos por cada 100.000 habitantes. La incidencia actual ye de 368 casos.
- Esti nuevu estáu d’alarma produzse trescurríos siete meses del primeru. La principal diferencia ye que nun paraliza l’actividá del país nin impon el confinamientu domiciliariu de los ciudadanos.