XIXÓN, 25 (EUROPA PRESS)
L’ALCALDESA DE XIXÓN, Ana González (PSOE), señaló esti miércoles que ye un día “especialmente doliosu” porque recordamos, ensin dala dulda, a quien fueron asesinaes o son cutíes o sufren cualesquier otru tipu de violencia, pero tamién porque “sabemos que güei non s’acaba”, llamentó.
“Y lo más probable que l’añu que vien tampoco”, añedió, en declaraciones a los medios de comunicación en guardando al pie de la Corporación Municipal –sacante Vox–, colectivos feministes y sociedá civil un minutu de silenciu con motivu del Día Internacional contra la Violencia de Xéneru, nuna concentración simbólica na plaza Mayor y afecho a les restricciones hixénicu sanitaries pola COVID-19.
González, con referencia a la xixonesa asesinada a manos de la so ex pareya, Lorena Dacuña, apuntó que cuando se llamenta l’asesinatu d’una muyer xixonesa ye “muncho más doliosu”, pola cercanía, pero tou les víctimes “fórguennos por igual”, apuntó.
“Tamos énte un maltratu y unos asesinatos que nun tienen nenguna xustificación, absolutamente nenguna”, sostuvo, de la que llamó l’atención sobro que sofiten nel fechu del despreciu a les muyeres y na negación de qu’estes tienen derechos, son llibres y pueden desenvolver el so proyectu de vida.
Preguntóse, al tiempu, sobro cómo ye posible qu’en llugares que dicimos civilizaos y nos que se faen campañes de concienciación, nun se llogre erradicar esta violencia.
Mención estreme tuvo p’aquellos qu’intenten utilizar la violencia de xéneru pa otros fines. Sobro la nun guarda de Vox nel minutu de silenciu guardáu, indicó que lo que tien qu’entender la ciudadanía ye que non tolos partíos nin toles ideoloxíes falen d’una violencia contra les muyeres como un elementu estructural, esto ye, sobro’l que se monta la estructura social.
Daqué qu’incidió en que nun ye esclusivu de la formación política Vox, sinón qu’hai, a la so manera de ver, otros que nun creen nello tampoco y que lo demuestren nun sofitando acciones contra la violencia machista.
“La violencia contra les muyeres nun tien matices”, aseguró, pela contra, l’alcaldesa xixonesa, quien cuntó que en dellos sectores hai poco interiorización de lo que realmente tamos falando, que ye l’asesinatu, el maltratu, la minusvaloración y el dicinos a les muyeres que somos menos.
Con esa base construyóse’l modelu social y agora, según la rexidora xixonesa, tenemos que deconstruirlo pa faer una cosa distinta.
Sobro si agora que se cumplen l’aniversariu de Casa Malva de Xixón va siguir per esa llínea de vanguardia, respondió un atayante sí. Señaló que tán faciendo un fondu cambéu de les polítiques d’igualdá, “que taben adormilitiaes na nuesa ciudá”, apuntó.
Sí que destacó que se fueron introduciendo cambeos “significativos”, como pueda ser na mesma ufierta formativa que fai’l Conceyu, al reconocer qu’enantes había claramente un sesgu sexista”.
Punxo d’exemplu que los cursos pa camarera de pisos yeren pa muyeres, daqué que se camudó, de la que defendió que tán faciendo un esfuerzu p’acabar con esti sesgu.
CONVIVIR COL MALTRATADOR
Tocantes a si agravó la pandemia’l problema, reconoció que toles midíes qu’impliquen pasar más tiempu nes cases aumenta’l riesgu pa les muyeres que son víctimes de la violencia de xéneru.
Indicó que por eso llanzaron xuna campaña en plenu confinamientu, por que quien nun la sufra sía consciente de lo que pasa n’otros llares y pueda dise en contra d’esa violencia y protexer a les muyeres.
Y magar indicó que mientres el confinamientu baxaron les denuncies, achacar a que nesi periodu nun se diba trabayar en munchos casos y pasaben con el so maltratador tou el día, lo que-yos faía imposible denunciar por tar más xixilaes.
Yá cuando empezó la desescalada reparóse un aumentu de denuncies. Aprovechó, coles mesmes, pa felicitar al Centru Asesor de la Muyer de Xixón, que mientres tol confinamientu nun dexó de trabayar nin d’atender a les muyeres, eso sí, de les que se tenía constancia.
Tamién dende los colectivos feministes que participaron nel minutu de silenciu llanzóse la voz d’alarma sobro l’agravamientu de la violencia de xéneru. “Tien que ser tarrecible”, destacaron, a lo qu’animaron a la xente a pensar lo que tien que ser vivir 24 hores col so maltratador