La programación prevé una carrera con salida y llegada en Les Mestes y cien participantes
La Nueva España, 2 d’ochobre de 2020
El Patronatu Deportivu Municipal entamóse una selmana, del 12 al 18 d’ochobre, d’actividaes para concenciar de la importancia d’aprender a realizar les maniobres de recuperación cardiorrespiratorio, con motivu del día internacional d’esta práctica. El covid-19 va condicionar munchos de los actos del programa, que se modificó para evitar la so cancelación. Les redes sociales van tener un protagonismu especial para dar a conocer el lema d’esta campaña, “Les tos manos salven vides”. La iniciativa ta impulsada polos servicios médicos del Patronatu Deportivu Municipal que la so responsable ye la doctora Esther Álvarez Cueto.
“Nos países de la Unión Europea prodúcense añalmente 400.000 fallecimientos por paraes cardiaques extrahospitalarias de les qu’alredor de 50.000 son n’España”, destacó ayeri Álvarez Cueto. Unes cifres que “deberíen fai cavilgar” a los dirixentes por que promuevan campañes o inclusive dicten lleis empobinaes a que, dende los colexos, enseñar a realizar técniques de reanimación o que conoceles sía requisitu indispensable a la de sacar el carné de conducir. Asina lo pidió Raquel Palaciu, quien dende la área d’Enfermería d’Atención Primaria de Xixón, vien promoviendo esti tipu de campañes.
Ente les actividaes programaes tán, de primeres, un retu solidariu por qu’al traviés de les redes sociales, con vídeos, bailles, cantares, etcétera, se promueva l’aprendizaxe de les técniques de reanimación. La segunda acción son carreres virtuales hasta’l 17 d’ochobre con distancies fayadices a distintes edaes y dos euros d’inscripción. La recaldación va ser apurrida a APACI (Asociación de padres y amigos de cardiopatíes conxénites). A lo último, va entamase una carrera real prevista pal 18 d’ochobre, pero pindiu del permisu de les autoridaes sanitaries en función de la evolución del covid. La salida y la llegada tendría llugar en Les Mestes y el máximu de participantes va ser de 100. Les salíes van producir en rioles de 25 y con 30 segundos de diferencia ente caúna.