Xixón, 17 mar (EFE).-
La Comisión de Facienda del Conceyu de Xixón aprobó dos cambeos presupuestarios por un valor total de 10,6 millones d’euros.
La primera, de 17 millones d’euros, salió adelantre colos votos a favor de PSOE ya IU, el refugu de Vox y l’astención del restu de grupos, informaron fontes municipales.
Con esos fondos van sacase adelantre ayudes directes y bonos para ayudar al texíu comercial afectáu pola crisis derivada de la pandemia del coronavirus, meyores nel parque d’Isabel la Católica o alquisición de vivienda.
La segunda, correspondiente a 3,6 millones de la Fundación Municipal de Servicios Sociales, foi aprobada colos votos a favor del PSOE, IU, Foro y Ciudadanos y l’astención del PP, Podemos y Vox.
D’esos 3,6 millones, dos van dir destinaos al contratu d’ayuda a casa y 1,5 a ayudes d’emerxencia y el restu para otros programes. EFE