Pineda consideró una “mala noticia” que’l Tribunal Constitucional anunciara ayeri que, nuna próxima sentencia, va declarar inconstitucional dellos artículos de la Llei Reguladora de les Faciendes Locales qu’afiten el métodu pa calcular la base del impuestu.
La vocera de Facienda de Xixón, que prevía recaldar 12 millones por esti impuestu, consideró que la sentencia llega “nel peor momentu” porque tolos conceyos tán ellaborando les sos cuentes pa 2022 que parten d’unes previsiones d’ingresos.
De confirmase nel detalle de la sentencia l’anulación por completu la plusvalía llevaría a Xixón a tener que reformular el presupuestu y munches dificultaes pa cumplir coles riegles d’aforru neto y d’estabilidá, alvirtió.
En Xixón, precisó, la previsión de recaldación por esti impuestu xube a 12 millones, lo que “desequilibraría por completu’l presupuestu” y una rebaxa asina resulta “absolutamente impensable”.
“Precisamos una solución urxente”, reclamó Pineda, que se xuntó al pidimientu de la Federación Española de Conceyos y Provincies (FEMP) que reclama una llei de plusvalía.
Pineda afirmó qu’el TC lo qu’establez ye la nulidá d’una determinada manera de cálculu, polo que pidió establecer otru métodu pela vía d’urxencia pa poder caltener les previsiones presupuestaries.