Tamién s’aprobó una partida de 54.800 euros para’l desenvolvimientu d’actividaes y programes que la so finalidá sía contribuyir a esaniciar la discriminación de les muyeres
La Xunta de Gobiernu de Xixón aprobó esti martes la certificación final de les obres de la escuela infantil de Contrueces.
Los trabayos de construcción de la escuela infantil de Contrueces fueron axudicaos n’ochobre de 2018 a la empresa Iguar Obres por 1,67 millones d’euros y un plazu d’execución de diez meses a partir de xineru de 2019.
Sicasí, según recordó’l Conceyu, les circunstancies meteorolóxiques y l’estáu d’alarma pola COVID-19 obligaron a prorrogar el plazu hasta’l 13 de mayu de 2020.
La Xunta de Gobiernu tamién aprobó la certificación-midida final de les obres del carril bici de la cai Muelle del Oriente.
Estes obres, que remataron nel plazu establecíu, fueron axudicaes el 17 de marzu de 2020 a la empresa Alvargonzalez Contrates nel marcu del contratu de caltenimientu y meyora de la infraestructura viaria por 27.883 euros.
La Xunta de Gobiernu tamién aprobó una partida de 54.800 euros empobinaos a asociaciones y colectivos de muyeres de Xixón para’l desenvolvimientu d’actividaes y programes que la so finalidá sía contribuyir a esaniciar la discriminación de les muyeres.