Xixón, 28 dic (EFE).- El Patronatu Deportivu Municipal (PDM) de Xixón resolvió la concesión de subvenciones al deporte base por un importe de 395.080 euros.
La convocatoria foi aprobada pola Xunta Rectora del 14 d’ochobre y ta dotada con 600.000 euros, 150.000 euros con cargu al presente exerciciu y 450.000 euros con cargu al añu 2021.
La comisión de valoración celebrada’l pasáu 11 d’avientu adoptó l’alcuerdu de conceder subvenciones a cuarenta proyectos por importe de 260.080 euros, de los cualos procedióse al pagu del 25% (65.020 euros) el 22 d’avientu ente que’l restante 75% (195.060 euros) va abonase previa xustificación.
Coles mesmes, el pasáu 23 avientu’l PDM Xixón resolvió la subvención correspondiente al fomentu del fútbol base de la temporada 2019-2020.
La convocatoria foi aprobada pola Xunta Rectora’l pasáu 14 d’ochobre con una cuantía económica de 135.000 euros, polo que la comisión de valoración axuntada’l pasáu 11 d’avientu concedió subvenciones a ventiséis clubes por un importe de 135.000 euros