L’alcaldesa de Xixón, Ana González Rodríguez, esplicó esta mañana la situación de los Fondos Europeos na nuesa ciudá. Ta previstu que les convocatories abrir n’abril, pero’l Conceyu yá ta trabayando n’una ventena de proyectos rellacionaos na so mayoría col usu d’enerxíes anovables, la renaturalización de los espacios urbanos y el tresformamientu de barrios y fachaes para aumentar la so eficiencia enerxética y habitabilidad.
Dende la Federación Española de Conceyos y Provincies (FEMP) ta trabayándose yá en dellos ámbitos de trabayu para consiguir que los conceyos puedan allegar a estos fondos en manera de concurrencia competitiva y poder sacar, asina, el máximu provechos de los fondos de reconstrucción europeos.
Coles mesmes, l’alcaldesa anunció que’l próximu mes va comparecer a pidimientu propiu na Comisión de Facienda para presentar l’estáu de dichos proyectos.