Xixón, 4 jun (EFE).- L’alcaldesa de Xixón, Ana González, amosó’l so interés por aportar a fondos europeos del mecanismu de transición xusta para llevar a cabu los proyectos que dexen el tresformamientu de Xixón n’una ciudá sostenible, llimpia y humana.
En axuntándose col europarlamentario socialista Jonás Fernández, l’alcaldesa de Xixón afirmó que con esti fondu abre un pocu más” el marcu de financiamientu que va dexar acelerar el cumplimientu de los oxetivos de tresformamientu de Xixón.
La rexidora esplicó que’l Principáu tendrá de realizar un proyectu y Xixón pidirálu que ténga-y en cuenta ya incluya cuestiones específiques qu’afecten a la ciudá.
Pela so parte, Fernández destacó que Xixón tien un activu perimportante” nel accesu a los fondos europeos, la esistencia d’un proyectu de ciudá onde encaxar los distintos proyectos.
Amás, señaló que nun son proyectos puramente dirixíos a llograr financiamientu sinón qu’hai un horizonte de ciudá nos próximos años y los programes para llevalo a cabu van poder cuntar con víes complementaries para faese realidá.EFE