Salú alvierte que tamos n’una situación crítica pola medría d’incidencia nel númberu de casos tres les fiestes navidiegues y nun refuga tomar más midíes a lo llargo de la selmana
El Principáu publicó nel Boletín Oficial del Principáu (BOPA) el decretu que modifica les midíes especiales de calter estraordinariu, urxente y envernada de prevención, contención y coordinación, necesaries para faer frente a la crisis sanitaria causada pol covid-19», establecíes el pasáu 18 d’avientu. Unes midíes que se prorroguen mientres quince díes. Esto ye, entren a valir a les cero hores del martes 12 de xineru, hasta les 24 hores del 25 de xineru. Sicasí, les midíes relatives a les llimitaciones horaries de zarru, esto ye, el toque de queda a les 22 hores y los zarros a les 20 hores d’hostelería y comerciu, van ser efectives dende la cero hores del xueves 14 de xineru de 2021.
¿Cuálos son los cambeos más sustanciales respectu al decretu del 18 d’avientu?
Midíes relatives al comerciu.
Los establecimientos y locales comerciales minoristes y de prestación de servicios asimilaos, incluyíos los centros y parques comerciales, van tener como hora de zarru la legalmente autorizada, nun pudiendo superase en nengún casu les 20 hores, a esceición los servicios d’entrega a casa y recoyida nel local baxu pidíu previu, que se va estender hasta les 22 hores. L’horariu d’apertura va poder empezar a les 6:00 hores.
Midíes relatives a la hostelería.
Los establecimientos d’hostelería, restauración y terraces nun van almitir nuevos veceros a partir de les 19:30 hores y van tener como hora de zarru la legalmente autorizada, nun pudiendo superase en nengún casu les 20 hores, sacante servicios d’entrega de comida a casa y recoyida nel local baxu pidíu previu, que se va estender hasta la 22 hores. L’horariu d’apertura va poder empezar a les 6:00 hores.
Enseñanza universitaria.
Mientres el plazu d’eficacia del presente resolvimientu suspéndese l’actividá presencial de la enseñanza universitaria, incluyida la realización d’exames, sacante que, pola naturaleza de l’actividá, la mesma namá pueda desenvolvese de forma presencial, según aquellos servicios que tengan la considerancia d’esenciales.
Autoconfinamiento, llimitación de l’actividá social y aplazamientu d’actividaes non fundamentales.
Encamentar a la población que, mientres el períodu d’eficacia d’esti resolvimientu, aumente los períodos de confinamientu na so casa y llinde la so actividá social.
Encamiéntase que se mengüe la movilidá ente distintes zones d’Asturies a nun ser puramente necesariu por motivos familiares o llaborales.
Encamiéntase atayar o retardar cualquier actividá familiar o social que nun sía considerada fundamental y que pudiera ser postergable.
Encamiéntase que, na midida de lo posible, les actividaes d’interacción social sían siempres prioritariamente n’espacios abiertos y bien ventilados.
En particular, encamiéntase nun celebrar actividaes sociales nes que circunstancialmente pueda nun usase mázcaru y que supongan interacción social.
Poblaciones vulnerables.
Encamiéntase que les persones mayores de 65 años y con patoloxíes de riesgu prioricen nes sos salíes del llar los llugares abiertos y bien ventilados baltes como parques y paseos.
Encamiéntase que les persones mayores de 65 años y con patoloxíes de riesgu eviten permanecer n’espacios interiores, con mala ventilación y con enforma concurrencia de persones. Tendrán De evitase especialmente:
a) Los espacios interiores n’establecimientos d’hostelería y restauración.
b) La realización d’actividaes grupales de calter deportivu y lúdicu que se desenvuelvan n’espacios interiores.
c) Celebraciones sociales o relixoses que se desenvuelvan n’espacios interiores
Encamientos sobro la celebración de xuntes familiares y sociales
Encamentar a la ciudadanía que llinde la so participación n’alcuentros sociales fuera del grupu de convivencia estable (burbuya social).
va priorizase l’usu y ocupación d’espacios al campu frente a espacios interiores.