L’Agrupación Municipal Socialista de Xixón empecipió l’añu cola xunta del Grupu de Trabayu de Memoria Democrática que tuvo llugar el llunes 4 de xineru de 2021, col formatu mistu telemáticu y presencial con un máximu de 10 persones y cumpliendo con tolos protocolos establecíos para la prevención del COVID-19 .
Alberto Ferrao, secretariu de Memoria Histórica de l’Agrupación y conceyala d’Educación y Cultura del Conceyu de Xixón foi l’encargáu de plantegar nel orde del día dos interesantes propuestes que los sos proyectos tán en fase inicial: el Conseyu de la Memoria de Xixón y la Rede d’Escueles con Memoria.
El Conseyu de la Memoria de Xixón pretende ser un espaciu consultivu y de participación activa qu’apigure a entidaes y persones que lleven munchos años trabayando pol memorialismo y lluchando por visibilizar nuesa memoria democrática.
En fase entá más inicial ta la Rede d’Escueles con Memoria, onde incorporar a centros d’Educación Secundaria y últimos cursos de Primaria col fin de xenerar recursos didácticos y actuaciones nos centros educativos, y onde tamién tean implicaes les asociaciones memorialistas.
Tamién se faló de la recuperación d’espacios y la necesidá de dinamizar con actuaciones otros esistentes a midida que la situación sanitaria dexar.