El Conceyu de Xixón yera güei l’escenariu d’un actu solidariu col pueblu ucranianu, respondiendo asina al llamamientu realizáu dende la Federación Española de Conceyos y Provincies.
Por aciu una concentración silenciosa quixímos demostrar tol sofitu y ciñu escontra les persones que tán sufriendo les tarrecibles consecuencies d’una guerra qu’esperamos que pueda rematar llueu. Un actu más que vien dexar patente la respuesta que ta dando la sociedá polo xeneral a lo qu’acaldía tamos viendo.
Ello ye que les amueses de solidaridá tamién tán quedando patentes cola gran cantidá d’iniciatives que se tán desenvolviendo dende tolos ámbitos. Nesti sentíu, el Conceyu de Xixón tamién quixo emprestar la so ayuda por aciu una primer aportación de 175.000€ a les ONGS que tán trabayando na zona y que son les que meyor saben cómo distribuyir esos recursos.
A esta aportación xúnese tamién la puesta a disposición del Albergue Xuvenil de Contrueces para la posible acoyida de families ucranianes que puedan llegar a Asturies en busca de paz y de un futuru meyor.