La xornada del Día Internacional de la Muyer volvió sirvir pa salir a la cai y para siguir animándonos a trabayar p’acabar coles desigualdaes qu’entá esisten ente muyeres y homes. Un día que nesta ocasión tuvo centráu nos cuidos.
La responsabilidá de los mesmos sigui recayendo en gran midida nes muyeres y por eso ye necesariu que deamos un pasu más y que tamién sían asumíos polos homes. Nesti sentíu’l Conceyu de Xixón acoyía esti martes l’actu de llectura del comunicáu del Día Internacional de les Muyeres per parte del Conseyu de Muyeres de Xixón. Un comunicáu que compartimos contigo de siguío.
1. El Conseyu d’Asociaciones de Muyeres de Xixón nesti 8 de Marzu quier poner énfasis en visibilizar la importancia y el valor de curiar según incidir na urxente necesidá de la corresponsabilidad.
2. Ye conveniente y necesariu reconocer los cambeos sociales que se producieron gracies a la llucha feminista, pero nun podemos dexar de reivindicar aquelles cuestiones qu’entá siguen pindies. Xuna d’eses cuestiones ye la invisibilización de les xeres dedicaes al cuidu non remunerado y otra l’asimetría ente muyeres y homes na dedicación a los mesmos: la denominada “Revolución enllancada” na que s’atopa la corresponsabilidad.
3. Los seres humanos somos seres vulnerables mientres toles etapes de les nueses vides, anque non con igual intensidá en tolos momentos, polo que dependemos necesariamente unos d’otros. D’ende la importancia que tien de dase al trabayu de cuidos como pieza clave pa garantizar y sostener la vida, trabayu que tien de valorase tanto como se valora’l trabayu remunerado y qu’hai de ser partíu por igual ente muyeres y homes.
4. Xuna sociedá igualitaria ye aquella na que los tiempos dedicaos al trabayu domésticu y de cuidos nun pueden recayer como responsabilidá fundamental de les muyeres, una y bones esto supon unu de les mayores torgues que tenemos pa consiguir la igualdá nel ámbitu llaboral, nel que la maternidá sigue a día de güei penalizando a les muyeres na incorporación y permanencia nel empléu. Teniendo en cuenta últimu informe del Foru Económicu Mundial, al ritmu actual, llevaríanos 202 años cerrar la fienda económica qu’esiste ente les muyeres y los homes. Y eso ye demasiao tiempu.
5. La conciliación nun ye problema de les muyeres. Dar nun contestu cultural y económico antropocéntricu qu’hai que tresformar p’avanzar escontra práctiques mas democrátiques y equitativas. Nun ye éticu que la metá de la población tengamos que compatibilizar el trabayu remunerado coles responsabilidaes que tradicionalmente y en base a un rol de xéneru fuéronnos asignaes nel ámbitu priváu. Tratar de poner en marcha midíes que vaigan empobinaes a partir xeres y responsabilidaes por que muyeres y homes podamos exercer los mesmos derechos y les mesmes responsabilidaes.
6. Otru trabayu ensin reconocer y polo tanto invisible, ye la carga mental que supon planiar y entamar les xeres de cuidu y que tamién afecta a les muyeres, faciendo qu’esti llabor ocupe gran parte de la nuesa axenda y les nueses obligaciones inclusive cuando nun les tamos exerciendo directamente. Conciliar supon non solo partir les xeres, sinón implicase na so organización y bon desenvolvimientu.
7. Entá güei la sociedá identifica’l cuidu como una débeda social que les muyeres tienen d’asumir, anulando la so capacidá de decisión sobro’l mesmu. Frente a la normalidá cola que se debe adoptar el papel de cuidadora, caltiense’l reproche social sobro les muyeres que deciden nun curiar. Un reproche que nun s’exerz sobro los homes, y que se vuelve n’allabancia cuando ye un varón quién facilita’l cuidu.
8. Anguaño los homes implíquense más y meyor que xeneraciones anteriores, pero entá se perciben grandes resistencies, sobremanera colos trabayos de cuidos mas costosos y trabayosos, lo que se traduz en desigualdaes pa les muyeres non solo en relación al mundu llaboral, sinón nos usos del tiempu y na asunción de roles y normes sociales rellacionaes colos cuidos, que siguen asignándose a les muyeres. Según datos de 2018 la Organización Internacional del Trabayu realizamos les trés cuartes partes del cuidu non remunerado.
9. El cuidu ye un bien público, un recursu pa garantizar la calidá de vida la población, por eso ten de tar na axenda política. Faise imprescindible un sistema públicu de cuidos sólidu, que sirva de soporte pa les persones que la precisen, que garantice los recursos necesarios pa una vida calidable. La sostenibilidá de la vida nun ye un asuntu que tenga de depender de les muyeres nin circunscribirse al ámbitu priváu, ye xuna cuestión colectiva y pública. Y pa asitiar el cuidu como oxetivu fundamental ye precisu la implicación firme de tola sociedá.