El Conceyu de Xixón recoyó 36.360 quilos de plásticos agrarios mientres la primer campaña de retirada d’esti tipu de borrafes, rematada nel mes d’abril.
Empezó n’avientu cola instalación de 24 contendores específicos dientro de les distintes instalaciones ganaderes del conceyu mientres una selmana cada mes, por tanto, hubo contenedores mientres cinco selmanes en cada allugamientu. En concretu, asitiáronse siete na zona esti, nueve na zona centro y ocho na zona oeste, dando un promediu de retirada de 1.515 quilu per zona y 2.551 quilu per selmana.
Esta iniciativa ye una histórica reivindicación vecinal de la zona rural, na qu’hai más de 200 esplotaciones agrícoles y ganaderes, y que, d’equí p’arriba, va llevar a cabu añalmente d’ochobre a abril. L’oxetivu ye que los plásticos de silos sían treslladaos al Consorciu para la Xestión de les Borrafes Sólides d’Asturies (COGERSA) y sían refugaos de forma correcta, facilitando d’esta miente el trabayu de llabradores y ganaderos y el reciclaje de les borrafes agraries.
El conceyal de Distritu Rural, Ramón Tuero, destacó que la campaña foi un ésitu una y bones la cantidá d’impropios que llegó a COGERSA ye inferior a l’habitual.