La Casa del Pueblu del PSOE xixonés acoyó ayeri xueves la presentación del llibro “Vivienda. La revolución más urxente”, del economista Alejandro Inurrieta. Nel alcuentru púnxose de manifiestu que l’accesu a la vivienda convirtióse n’unu de los grandes problemes d’esti país, sobremanera pa les clases populares y los mozos.
Nel actu tuvo presente, amás del autor, el tamién economista y Senador, Francisco Blanco y la xerente de la Empresa Municipal de la Vivienda de Xixón, Susana González.
Alejandro Inurrieta, doctor n’Economía pola Universidá Complutense de Madrid y autor del llibru, espunxo la situación del mercáu de la vivienda n’España, les polítiques aplicaes y les causes de la so evolución, según el so firme apuesta pola vivienda social d’arriendu.
Pela so parte, Francisco Blanco, senador per Asturies, repasó la nueva “Llei pol Derechu a la Vivienda”, en tramitación nel Congresu de los Diputaos, y Susana González, xerente de la Empresa Municipal de la Vivienda de Xixón (EMVISA), faló de les polítiques que se tán desenvolviendo na ciudá nesta materia.
Presentó l’actu Jacinto Braña, secretariu de Bienestar Social y Vivienda de la nuesa Agrupación.
