La Escuela Feminista Rosariu d’Acuña abre les sos puertes del 6 al 8 de xunetu sol lema «L’Axenda Feminista del Tiempu Global». La edición d’anguaño va desenvolvese na Antigua Escuela de Comerciu, anque les intervenciones podrán siguise en streaming vía Youtube.
La Escuela ye un espaciu de pensamientu filosóficu feminista, dirixida pola prestixosa Conseyera d’Estáu y catedrática de Filosofía Moral y Política de la UNED Amelia Valcárcel, que se vien desenvolviendo na ciudá de Xixón dende l’añu 2002.
Anguaño, les ponencies girararán en redol a «l’axenda feminista» que como esplica la mesma Amelia Varcálcel, «ta abierta por páxines bien distintes en cada llugar d’esti planeta, porque esiste siempres aniciada nun tiempu y nun llugar determináu»