Ayeri llunes 15 de payares, tuvo llugar na Casa del Pueblu del PSOE de Xixón, un alcuentru pa presentar l’Estudiu sobro Vivienda Vacida y n’Arriendu de Xixón”, frutu de la collaboración ente’l Conceyu de Xixón, EMVISA y l’Universidá d’Uviéu.
Ana Sariego, secretaria de Movimientos Sociales, foi la encargada d’abrir esti actu, entamáu en formatu presencial y telemáticu, y de presentar a les persones intervinientes, ente les que s’atopaba Susana González, xerente de la empresa municipal de la vivienda (EMVISA), y la concejala de Derechos y concejala de Derechos y Bienestar Social del Conceyu de Xixón, Natalia González, quien destacaron la importancia d’esti estudiu yá que va sirvir de diagnósticu y como puntu de partida pal desenvolvimientu de les futures polítiques municipales en material de vivienda.
Natalia tamién punxo en valor el trabayu realizáu pola Empresa Municipal de la Vivienda (EMVISA), comentó dalgunes de les llínees d’actuación como l’ampliación del parque de vivienda, la puesta en marcha’l programa d’intermediación “Xixón Arrienda”, la collaboración con entidaes del tercer sector pal arriendu de vivienda n’usu compartíu, o la reactivación del programa “Imparte Jove”, ente otres.
José Pablo Calleja, autor del estudiu y profesor de Socioloxía de la Universidá d’Uviéu, espunxo los principales puntos del estudiu como son la situación del mercáu de vivienda d’arriendu en Xixón, l’estáu d’ocupación, según les conclusiones y dalgunes de les propuestes de trabayu.
Más sobre l’estudiu: https://www.gijon.es/es/publicaciones/estudio-la-vivienda-vacia-y-en-alquiler-en-el-municipio-de-gijon
Noticia publicada n’El Comerciu, 16/11/2021
