Saltar al contenido
Portada » Últimas Noticias » Servicios Sociales retoma de forma online les ‘Aules para mayores’

Servicios Sociales retoma de forma online les ‘Aules para mayores’

La Fundación Municipal de Servicios Sociales, al traviés de la División de Promoción Social, retoma de forma online el programa ‘Aules para mayores’ para fomentar la participación social y la formación permanente de les persones d’edá avanzada.

L’oxetivu ye asegurar l’avieyamientu saludable de les persones mayores, una y bones los Centros de Mayores, onde se desenvolvíen presencialmente los talleres, permanecen zarraos dende’l 12 de marzu de 2020 de por cuenta de la crisis sanitaria derivada de la COVID-19.

D’esta miente, les y los participantes pueden realizar práctiques deportives, actividaes físiques y cognitives, y créanse de la mesma redes de sofitu psicolóxicu y de relaciones sociales frente a la soledá na población más vulnerable y perxudicada de la pandemia.

Van impartise un total de 30 cursos dende la selmana del 26 d’abril y hasta el 30 de xunu. Les modalidaes ufiertaes son yoga, pilates, tai-chi, actividá física al traviés del baille, ximnasia de caltenimientu, entrenamientu de la memoria, prevención d’enfermedaes del llombu, avieyamientu saludable, formación ya informática. En cada unu d’ellos van poder participar 15 persones a lo más, sacante los cursos de formación, que se van llevar a cabu de forma individualizada.

Valorando les dificultaes que pudieren derivase pol manexu de les tecnoloxíes, va apurrise formación previa individualizada para adquirir les conocencies necesaries para poder conectase a los cursos, según asistencia nel momentu de la conexón.