- Parques y Xardinos va modificar la frecuencia de siega en parceles determinaes para aumentar la biodiversidá de les zones verdes de la ciudá
El Serviciu de Parques y Xardinos de la Conceyalía de Caltenimientu y Obres Públiques del Conceyu de Xixón empecipió un proyectu piloto para modificar la frecuencia de siega n’una trentena de parceles verdes municipales arrexuntaes en 17 zones verdes urbanes, coles mires d’aumentar la biodiversidá y empecipiar un cambéu nel modelu de xardinería que se venía desenvolviendo hasta agora en Xixón.
El proyectu va llevar a cabu en 17 zones verdes urbanes, nun total de 30 parceles, va analizar l’apueste por un cambéu nel modelu de xestión de la siega escontra unu más naturalizáu que favoreza los procesos naturales y que los ecosistemes sían más equilibraos y resilientes.