Xixón va vivir un branu intensu. Divertia Xixón encargóse de nuevu de coordinar y diseñar el programa d’actividaes de la ciudá qu’axunta les propuestes desenvueltes dende les empreses municipales, promotores privaos y otres instituciones. L’alcaldesa de Xixón, Ana González Rodríguez, y la xerente d’esti organismu municipal, Lara Martínez Fernández, presentaron la ufierta de Festexos, de la Fundación Municipal de Cultura y l’O.P, del Patronatu Deportivu Municipal, del Teatru Xovellanos, del Xardín Botánicu Atlánticu, del Acuariu, de Llaboral Ciudá de la Cultura, amás de festivales musicales, d’ociu y entretenimientu, les feries y mercaos o los eventos gastronómicos.
El branu de Xixón ta nes tos manos… Consulta, descarga o comparte’l programa y esfruta del branu más activu y más tractivo del Norte d’España.
Les feries, los mercaos van animar les cais y nel Xardín Botánicu Atlánticu programó nueves ediciones de Nocturnia y de Nueches Máxiques. El Patronatu Deportivu Municipal tien prevista una importante ufierta de competiciones, como les tradicionales travesíes a nadu, la Vuelta al Conceyu en BTT y el Concursu Hípicu Internacional de nuevu en Les Mestes. Coles mesmes, la Fundación Municipal de Cultura programó numberoses esposiciones nos sos Museos y los festivales volverán activar el branu xixonés: Metrópoli, Selmana Negra, Xixón Life, Tsunami, Yeyé, Comet Con… Un cientu d’actividaes.