La concejala d’Atención Ciudadana, Distritos y Urbanismu, Loli Patón, y el conceyal de Caltenimientu y Obres Públiques, Llamera Ron, acompañaos d’Iván F. Ardura, secretariu xeneral de l’Agrupación Municipal Socialista de Xixón, participaben el pasáu martes nun alcuentru na Casa del Pueblu para informar sobro’l Plan de Víes y l’Estudiu d’Impactu Ambiental.
Si nun pudisti asistir, o velo de manera telemática, apuerta a la grabación del actu.
L’importante papel de les Asociaciones de Vecinos y Vecines, d’una parte, y les aplicaciones informátiques que tienen como oxetivu facilitar la participación ciudadana, d’otra, fueron les temes centrales na xunta celebrada pol grupu de trabayu de la Secretaría de Relaciones cola Sociedá, celebrada’l pasáu xueves, 10 de febreru, na Casa del Pueblu.
Dambes cuestiones tienen relación directa col testu aprobáu nel últimu congresu socialista que diz asina: “El PSOE tien de siguir modernizando’l so modelu d’organización, afaciéndolo a les dinámiques polítiques de participación del nuesu tiempu y abrir a nueves fórmules de collaboración colos movimientos vecinales, les asociaciones cíviques y los sindicatos”.
Nel ámbitu específicu del movimientu vecinal cavilgóse llargamente sobro la necesidá d’impulsar la presencia de militantes y simpatizantes socialistes nes asociaciones y apostar por un remocicamientu de les directives vecinales y fortalecer la comunicación ente los vecinos y vecines y l’equipu de gobiernu municipal. Aprovechar pa saludar a l’apocayá creada “Asociación La Serena”, del barriu d’El Llanu.
Salomé Toral, concejala de Participación Ciudadana, Memoria Democrática, Mercaos y Consumu, fuer la encargada d’informar sobro les aplicaciones disponibles dende la web municipal (portal de participación, oficina virtual de reclamaciones, suxerencies y agradecimientos, Curia Xixón, etc.).
