Les obres de remodelación de la cai Río Eo de Xixón ye una demanda qu’habíen veníu realizando los vecinos de Pumarín. Fieles de primeres de cumplir colos compromisos, l’equipu de gobiernu socialista presentó güei l’entamu de la llicitación d’esta importante actuación na ciudá. Bastante ye que, falamos d’una cai d’un kilómetru de llargor y qu’agora va recibir una inversión cercana a los 2,4 millones d’euros.
Gracies a esta remodelación, les vecines y los vecinos van poder esfrutar de nueves ceres más amplies, de la renovación del moblame urbanu, l’arboláu y tamién la rede d’allumáu públicu. Amás, va aprovechase esta intervención para anovar la rede de suministru y saneamientu per parte de la Empresa Municipal d’Agües.
“La reforma de Ríu Eo va ameyorar la calidá de vida de les vecines y vecines, y tamién l’espaciu públicu” Olmo Ron, conceyal d’Obres Públiques y Proyectos de Ciudá
Les previsiones apunten a que les obres puedan empezar ente los meses d’agostu y setiembre y estiéndanse por una duración de cinco meses. Tou p’ameyorar l’espaciu públicu de la ciudá pero sobretou la calidá de vida de les vecines y los vecinos, como señalaba’l conceyal d’Obres Públiques y Proyectos de Ciudá, Olmo Ron.