La Comisión Executiva de l’Agrupación Municipal Socialista de Xixón axuntó’l pasáu miércoles 2 de marzu para falar de les principales temes d’interés del contestu políticu. La crisis n’Ucrania y l’inestabilidá política xenerada, según la so implicación na economía mundial; la situación d’otros partíos políticos; la evolución de la COVID-19; o l’alderique sobro la oficialidá del asturianu, fueron dalgunos de los puntos trataos por Iván F. Ardura, secretariu xeneral. La concejala de Facienda, Organización Municipal y Personal, y voceru del Grupu Municipal Socialista informó de la xestión nel ámbitu municipal.
Y el xueves 3, la concejala de Memoria Democrática del Conceyu de Xixón, Salomé Díaz Toral, participó na xunta del grupu de trabayu de Memoria Democrática pa falar d’interesantes proyectos que se tán desenvolviendo y futuros dientro d’esta área municipal. Les y los militantes y simpatizantes asistentes apurrieron les sos idees pa la planificación de nueves actividaes y proyectos.