El conceyal d’Obres Públiques, Caltenimientu y Proyectos de Ciudá, Olmo Ron, presentaba ayeri nel Conceyu de Xixón l’entamu de la llicitación d’unes obres que van dotar al barriu de La Calzada d’un nuevu espaciu verde. Un llugar que va sirvir como puntu d’alcuentru y nel qu’inclusive van poder entamase distintes actividaes.
L’actuación va cuntar con un presupuestu cercanu a los 300.000€, que se suman a los 500.000€ que yá s’invirtieron na zona pa mercar les trés viviendes abandonaes que tán allugaes nesi llugar. La obra va sirvir p’amontar l’arboláu, y crear una plataforma única n’unu de los trés vial que lu arrodien. D’esta miente preténdese que sía un espaciu de baxes emisiones.
El proyectu se engloba amás dientro de les “Ecomanzanas” que’l Conceyu de Xixón va enllantar en distintos puntos de la ciudá. Una iniciativa que tien como oxetivu humanizar espacios y crear barrios más atentos y ecolóxicos.
“Ye un espaciu que dota de más espacios verdes al barriu de La Calzada y que se convierte nuna zona muncho más atopadiza” Olmo Ron, conceyala d’Obres Públiques, Caltenimientu y Proyectos de Ciudá.
La reconversión d’esta zona ye un proyectu que foi perbién acoyíu poles vecines y los vecinos del barriu, y más concretamente pola Asociación de Vecinos Alfonso Camín. Amás va sirvir p’allugar nel futuru distintos propuestes qu’apurran más dinamismu a la zona.