Fieles al compromisu d’escuchar a la ciudadanía y trabayar en base a les sos necesidaes. Una premisa que se pon de manifiestu nes futures obres de renovación de la plaza de la República, allugada nel barriu d’El Cotu. Nesti sentíu, el Conceyu de Xixón, al traviés de la concejala d’Atención a la Ciudadanía, Dolores Patón, espresó esta mañana que la renovación va realizase siguiendo los criterios de les vecines y vecinos d’El Cotu.
Foi la mesma edil, xuntu col director xeneral d’Obres Públiques y Proyectos de Ciudá, Pedro Guerrero, la encargada de presentar los primeros bocetos de l’actuación a l’Asociación de Vecinos d’El Cotu. Quepe señalar qu’esti primer planteamientu yá se realizó siguiendo los criterios treslladaos pola mesma asociación vecinal.
Va empecipiase un procesu participativu nel barriu por que sían les vecines y los vecinos los que decidan cómo quieren que sía esti proyectu. Dolores Patón, concejala d’Atención a la Ciudadanía.
Tres esta presentación, agora va abrise un procesu de participación ciudadana que dexe a los vecinos y a les vecines del barriu conocer el proyectu y tomar decisiones como por casu, l’allugamientu del moblame urbanu, los xuegos infantiles o los espacios verdes.
Esta renovación nel barriu d’El Cotu cunta con un presupuestu de 200.000€. Una vegada que se conozan les decisiones vecinales, va dar en realizar el proyectu definitivu y la llicitación del mesmu.